«Ізденіс-табыс кілті» атты жас мамандарға арналған семинар-тренинг өтті.

Жас мұғалімдердің кәсіби құлшынысын арттыру, ұжымда жағымды психологиялық ахуал қалыптастыру, кәсіби өсуіне жағдай жасап, әдістемелік көмек көрсету мақсатында мектебіміздің жас мамандарына арналып, қазан айында «Ізденіс-табыс кілті» атты семинар-тренинг өтті.

Жас маман өзін сенімді ұстауына, ашық жарқын, жан-жақты болуына, әр қадамын нық басуына көмек беру мақсатында өзін-өзі тануға арналған түрлі проективтік тест жүргізілді. Жас мамандарға түрлі сұрақтар қойылып, олардың ұсыныстары мен пікірлері тыңдалды. Семинар-тренинг соңында қатысушылар өз ойларын, ұсыныстарын стикерге жазып, «Кері байланыс»тақтасына жабыстырады. Тренинг соңында әрбір мұғалімге психологиялық-педагогикалық кеңестер ұсынылып, таратпалар таратылды.